Қазақстан волейбол федерациясы еуропалық тәжірибені зерделеуде

Қазақстан волейбол федерациясы Польша тәжірибесін зерттеуде. Отандық федерация өкілдері PlusLiga финалын тамашалап, тәжірибе алмасу және алдағы ынтымақтастық мәселелерін талқылау мақсатында поляк тарапымен бірқатар кездесулер өткізді.

Сапар барысында қазақстандық делегация Польша чемпионатының ұйымдастырылуымен, жаттығу жүйелерінің жұмысымен және елдегі волейболды дамыту құрылымымен танысты. Сонымен қатар Польша волейбол федерациясы мен Польша Спорт және туризм министрлігінің өкілдерімен келіссөздер өтті.

Еуропадағы ең танымал жаттығу орталықтарының бірі — SMS PZPS Spała орталығына баруға ерекше назар аударылды. Қонақтар жас спортшыларды даярлау жүйесімен және орталықтың инфрақұрылымымен танысты.

Қазақстан волейбол федерациясында мұндай ынтымақтастық отандық волейбол деңгейін арттыруға және еуропалық үздік тәжірибелерді енгізуге ықпал етеді деп сенеді.