Қазақстан Ираннан есе қайтарып, Азия кубогында топ бастады

Қазақстан әйелдер құрамасы Иранды жеңіп, өз тобында көш бастады

Филиппинде өтіп жатқан AVC Women’s Nations Cup турнирінде Қазақстан әйелдер құрамасы топтық кезеңдегі үшінші кездесуін өткізді.

Асқар Шалкібеков шәкірттері Иран құрамасымен кездесіп, тартысты өткен матчта 3:1 есебімен жеңіске жетті (13:25, 25:20, 25:14, 25:18).

Осыған дейін қазақстандық волейболшылар Гонконгты (3:1) және Индонезияны (3:0) ұтқан болатын.

Үш ойын қорытындысы бойынша Қазақстан құрамасының еншісінде 9 ұпай бар. Қазіргі уақытта команда В тобында бірінші орында келеді.

Қазақстан құрамасының топтық кезеңдегі алдағы матчтары:

• 11 маусым – Ливан
• 12 маусым – Вьетнам

А тобында Филиппин, Қытайлық Тайбэй, Оңтүстік Корея, Қырғызстан, Өзбекстан және Австралия құрамалары өнер көрсетуде.

Әр топтан үздік екі команда жартылай финалға жолдама алып, турнир жүлделерін сарапқа салады.