Асқар Шалкібеков Қазақстан әйелдер құрамасының бас бапкері болып тағайындалды

Қазақстандық маман Асқар Шалкібеков волейболдан Қазақстан әйелдер ұлттық құрамасының бас бапкері қызметіне тағайындалды.

«Қазақстан әйелдер ұлттық құрамасының бас бапкері қызметіне тәжірибелі маман Асқар Шалкібеков тағайындалды.

Соңғы үш жылда білікті бапкер “Тұран” клубын басқарды. Оның жетекшілігімен команда 2024 жылы Қазақстан чемпионы атанды. Сонымен қатар, өткен жылы клуб Қазақстан Кубогын жеңіп алып, биылғы маусымда ел чемпионатының қола жүлдегері атанды.

Алдағы маусымда Қазақстан әйелдер құрамасын бірқатар маңызды халықаралық жарыстар күтіп тұр:
— Орталық Азия чемпионаты (Непал)
— AVC Кубогы (Филиппин)
— Азия чемпионаты (Қытай)
— 2026 жылғы Азия ойындары (Жапония)»