«Қарағанды» – «Буревестник» 3:0 (25:13, 25:21, 25:22)

Негізгі құрамдағы бірден үш ойыншысының (Ирина Кузнецова, Валерия Настенко және Елена Митрович әртүрлі себептермен Теміртауда ойнай алмайды) жоқтығына байланысты әлсіреген алматылық клуб алаң иелеріне айтарлықтай қарсылық көрсете алмады. Қарағандылық волейболшылар қарсыластарының осал жағдайын және ұпай қорын толықтыру мүмкіндігін тиімді пайдаланып, үш партияда жеңіске жетті.

Ертең командалар IV турдың екінші матчын өткізеді. Кездесу 16:00-де басталады.

«Ertis» – «Ақтөбе» 3:0 (25:17, 25:10, 25:16)

Евгений Николаевтың командасы маусымдағы алғашқы жеңісіне қол жеткізіп, турнирлік кестеде бүгінгі қарсыластарынан үш ұпайға ұзап кетті. Ірі есеп ертеңгі қайталама матчта Ақтөбе қонақтарына тағы да оңай болмайтынын аңғартады.

IV турдың екінші кездесуі 15 қараша күні сағат 18:00-де басталады.

«Жетісу» – «Berel» 2:3 (19:25, 25:21, 25:23, 23:25, 13:15)

Қазіргі чемпион тікелей бәсекелестерінің бірімен бес партияға созылған тартыста тағы да өз алаңында жеңіліс тапты. Егер 28 қазанда талдықорғандық жанкүйерлерді СҚО-дан келген волейболшылар ренжітсе, бүгін ШҚО командасы мінез танытып, жеңіске жетті.

Әділдік үшін айта кету керек, Марко Гршич бүгінгі матчта негізгі құрамның үш ойыншысына: қытайлық Мяо Йивэнь, Наталья Борисенко және Перизат Нұрбергеноваға сенім арта алмады.

Ертең сағат 17:00-де Халук Коркмаз бүгінгі жеңістің кездейсоқ болмағанын дәлелдеуге тырысса, талдықорғандық команда реванш алуға ұмтылады.

«Quanysh» – «Тұран» 3:1 (25:21, 25:17, 21:25, 25:17)

Қазақстан Кубогының қазіргі иегері алаң иелерінен бір партияны жеңіп алғанымен, Аскар Шалкибековтың шәкірттерінің бұдан артыққа күші жетпеді. Саим Пакканның командасы жалпы алғанда сенімді жеңіске жетіп, Әйелдер Ұлттық лигасының жеке-дара көшбасшысы — ШҚО-ның «Berel» клубын қуып келеді. Қазіргі таңда шығысқазақстандық волейболшылардан үш ұпайға қалып отыр.

Ертең сағат 18:30-да командалар IV турдың екінші матчын өткізеді.