ҚАТАРЫНАН ЕКІНШІ ЖЕҢІС!

Қазақстанның 18 жасқа дейінгі қыздар құрамасы AVC Girls’ U18 Volleyball Championship 2026 Азия чемпионатындағы сәтті өнерін жалғастырып келеді. Бас бапкер Владимир Аниконовтың жетекшілігіндегі ұлттық құрама топтық кезеңдегі екінші кездесуінде Қырғызстан құрамасын 3:0 (25:15, 25:16, 25:15) есебімен сенімді түрде жеңді.

Матч барысында қазақстандық волейболшылар жоғары деңгейдегі дайындықтарын, ұйымшылдықтарын және ойын тәртібін көрсетті. Команда кездесудің барлық бөлігінде басымдық танытып, қарсыласына мүмкіндік бермей, үш партияны да өз пайдасына аяқтады.

Осылайша, Қазақстан құрамасы турнирдегі қатарынан екінші жеңісіне қол жеткізіп, келесі кезеңге шығу жолындағы мүмкіндігін арттырды.

Еске сала кетейік, чемпионаттағы алғашқы ойында Владимир Аниконов жаттықтыратын Қазақстан құрамасы Гонконг құрамасын да 3:0 (25:3, 25:23, 25:15) есебімен жеңген болатын.

Екі матчтың қорытындысы бойынша қазақстандық қыздар қарсыластарына бірде-бір партия берген жоқ. Бұл нәтиже команданың сапалы дайындығы мен бапкерлер штабының жүйелі еңбегінің жемісі.

Қазақстан құрамасына алдағы ойындарда сәттілік, жарқын жеңістер және турнирде жоғары нәтиже тілейміз! Ел намысын абыроймен қорғай беріңіздер!