Қазақстан AVC Cup 2026 турниріндегі екінші жеңісіне қол жеткізді

Үндістанның Ахмедабад қаласында өтіп жатқан AVC Cup 2026 турнирінде Қазақстан ерлер құрамасы екінші жеңісіне қол жеткізді.

Топтық кезеңнің үшінші турында Сергей Трикоз баптайтын команда Қытай Тайбэйі құрамасымен кездесті. Алғашқы сетте жеңілген қазақстандық волейболшылар кейін қатарынан үш партияны ұтып, матчты өз пайдасына аяқтады — 3:1 (20:25, 26:24, 25:16, 25:23).

Еске салайық, турнирдің алғашқы матчында Қазақстан құрамасы Үндістаннан 0:3 есебімен жеңілсе, екінші ойында Австралияны 3:2 есебімен ұтып, керемет камбэк жасаған болатын.

Қазақстан құрамасының келесі кездесулері:

• 25 маусым — Бахрейнге қарсы;
• 26 маусым — Жаңа Зеландияға қарсы.