Қазақстан құрамасы Dutch Tournament 2026 турнирінде

18–23 маусым аралығында Нидерланд Корольдігінің Ассен қаласында Dutch Tournament 2026 халықаралық параволейбол турнирі өтеді.

Аталған жарыс әлемнің әртүрлі елдерінен келген мықты параволейбол командаларын бір алаңға жинайтын беделді халықаралық турнирлердің бірі болып саналады. Турнир барысында қатысушылар жоғары деңгейдегі ойын өрнегін көрсетіп, халықаралық рейтингтегі орындарын жақсартуға мүмкіндік алады.

Қазақстан құрамасы бұл додаға қатысып, ел намысын қорғайды. Жарыс спортшылардың халықаралық тәжірибе жинақтауына, шеберліктерін арттыруына және алдағы ірі халықаралық жарыстарға дайындық деңгейін бағалауға мүмкіндік береді.

• 19 маусым, 13:30 — Қазақстан 🇰🇿 – Эстония 🇪🇪
• 19 маусым, 17:30 — Қазақстан 🇰🇿 – Польша 🇵🇱
• 20 маусым, 08:45 — Канада 🇨🇦 – Қазақстан 🇰🇿
• 20 маусым, 13:30 — Нидерланд 🇳🇱 – Қазақстан 🇰🇿

Турнир 18–23 маусым күндері аралығында өтіп, командалар бірнеше ойын өткізіп, жеңімпаздар мен жүлдегерлер анықталады.

Жарысқа Қазақстан, Германия, Нидерланд, Италия, Украина, АҚШ, Польша, Канада және Эстониядан келген ерлер командалары қатысады.

Қазақстандық спортшыларға сәттілік тілейміз!