Юлия Акулова – VNL 2026 төрешісі

Халықаралық дәрежедегі төреші Юлия Акулова 2026 жылғы Ұлттар лигасы (VNL) матчтарына тағайындалды

Қазақстандық халықаралық дәрежедегі төреші Юлия Акулова 2026 жылғы Волейболдан Ұлттар лигасының (Volleyball Nations League – VNL) матчтарына төреші ретінде тағайындалды.

Турнирдің алғашқы аптасында Юлия Акулова Канадада өтетін ерлер және әйелдер құрамалары арасындағы кездесулерде бірінші және екінші төреші міндеттерін атқарады. Сонымен қатар, жарыстың үшінші аптасында Гонконг қаласында өтетін әйелдер командалары арасындағы VNL матчтарында төрешілік етеді.

Бұл тағайындау Юлия Акулованың халықаралық деңгейдегі жоғары кәсіби біліктілігі мен тәжірибесінің тағы бір дәлелі болып табылады. Оның әлемдік волейбол аренасындағы беделі қазақстандық төрешілер мектебінің дамуына және еліміздің халықаралық спорт қауымдастығындағы абыройының артуына үлес қосуда.

Юлия Акуловаға жауапты халықаралық жарыстарда әділ әрі табысты төрешілік қызмет тілейміз