Қазақстан — Азия кубогының жартылай финалында

Қазақстан волейболшылары Азия кубогында топты жеңіспен аяқтады.

Филиппиндегі AVC Cup 2026 Азия кубогында Қазақстан әйелдер құрамасы тағы бір жеңіске қол жеткізді. Топтық кезеңнің соңғы турында Вьетнам құрамасымен шеберлік таластырған жерлестеріміз екі сағаттан астам уақытқа созылған тартысты ойында 3:2 (18:25, 25:19, 23:25, 25:22, 15:13) есебімен басым түсті.

Асқар Шалқыбеков шәкірттері топтық кезеңді 5 ойынның барлығында жеңіске жетіп, В тобында көш бастады. Енді жартылай финалда олар А тобының екінші орын иегерімен кездеседі. А тобында жартылай финал жолдамасын мерзімінен бұрын иеленген Оңтүстік Корея мен Қытайлық Тайбэй өзара кездесулерінде қарсыластарының кім болатынын анықтайды. Айта кетейік, Қазақстан құрамасы бұл турнирде жаңартылған құраммен өнер көрсетіп, жас ойыншыларға мүмкіндік беріп отыр.