Қазақстанның U18 ерлер құрамасы – CAVA чемпионы

Өзбекстан астанасы Ташкент қаласында өткен CAVA Boys’ U18 Volleyball Championship турнирінде Қазақстанның U18 ерлер құрамасы тамаша нәтиже көрсетіп, чемпиондық атаққа ие болды.

Турнир барысында біздің волейболшылар жоғары деңгейдегі ойын өрнегін көрсетіп, командалық бірлік пен жеңіске деген жігердің арқасында барлық қарсыластарынан басым түсті. Бұл жеңіс жас спортшылардың қажырлы еңбегінің, жаттықтырушылар штабының кәсіби жұмысының және қазақстандық волейболдың жүйелі дамуының нәтижесі болды.

Аталған жетістік Қазақстанның жастар волейболы тарихындағы маңызды белес болып саналады және халықаралық аренадағы еліміздің беделін арттыра түсті.

Қазақстан волейбол федерациясы құраманы, жаттықтырушылар штабын және барлық жанкүйерлерді осы жарқын жеңіспен шын жүректен құттықтайды!