Қазақстан құрамасы CAVA финалына шықты

1/2 финалдың алғашқы кездесуінде Қазақстан әйелдер құрамасы Үндістан ұлттық командасын үш сетте сенімді түрде жеңіп, матчты 3:0 есебімен аяқтады (25:21, 25:17, 25:14).

Одан кейін Иран құрамасы да екінші жартылай финалда Непал командасын үш сетте ұтып, 3:0 нәтижесін тіркеді (25:20, 25:15, 25:11).

Ертең қола жүлде үшін Үндістан мен Непал құрамалары кездессе, финалда Қазақстан мен Иран Орталық Азияның 2026 жылғы әйелдер арасындағы чемпионы атағын сарапқа салады.

Еске салсақ, топтық кезеңде Үндістан Непалды бес сет қорытындысында 3:2 есебімен жеңген болатын. Ал Иран құрамасы күтпеген жерден қазақстандық волейболшыларды 3:0 есебімен ұтты.

Айта кетейік, CAVA Women’s Volleyball Championship турнирінің 2024 және 2025 жылдардағы алдыңғы екі маусымы Қазақстан құрамасының қатысуынсыз өткен еді.