Қазақстан құрамасы Орталық Азия чемпионатын сенімді жеңіспен бастады

Непал астанасы Катманду қаласында 22-29 мамыр аралығында CAVA Women's Volleyball Championship 2026 турнирі басталды.

Бүгін Қазақстан құрамасы турнирдегі алғашқы ойынын өткізіп, Шри-Ланка командасын жеңді.

Асқар Шалкибеков шәкірттері қарсыластарына еш мүмкіндік қалдырмай, 3:0 (25:9, 25:18, 25:12) есебімен сенімді жеңіске жетті.

Енді қазақстандық волейболшылар В тобында 24 мамыр күні Бангладеш құрамасымен, ал 25 мамырда Иран командасымен кездеседі.