Қазақстанда жағажай волейболы төрешілеріне арналған халықаралық курс өтеді

Іс-шараны Asian Volleyball Confederation және Қазақстан Волейбол Федерациясы бірлесіп ұйымдастырады.

Курстың басты мақсаты - жағажай волейболы төрешілерінің біліктілігін арттыру, тәжірибе алмасу және халықаралық деңгейдегі мамандарды даярлау. Оқу бағдарламасының нұсқаушысы Қытай елінен арнайы келеді.

Курсқа Қытай, Үндістан, Мальдив аралдары, Өзбекстан, Қырғызстан, Кувейт және Қазақстаннан жалпы саны 15 қатысушы қатысады. Сонымен қатар, Қазақстан атынан 3 төреші білімін жетілдіреді.

Қазақстан Волейбол Федерациясы оқу курсын сәтті аяқтаған отандық төрешілер алдағы уақытта халықаралық жарыстарға тартылып, AVC аясындағы турнирлерде қызмет атқарады деп сенім білдіреді.Тәжірибелік сабақтар Әл-Фараби атындағы Қазақ ұлттық университеті корттарында өтеді.

Бұл курс - Қазақстандағы жағажай волейболын дамытуға және төрешілердің халықаралық деңгейдегі тәжірибесін арттыруға бағытталған маңызды қадамдардың бірі.