Қазақстан құрамасының ОА чемпионатындағы ойын кестесі жарияланды
2026 жылдың 22–29 мамыры аралығында Непал астанасы Катманду қаласында CAVA Women's Volleyball Championship 2026 турнирі өтеді,
Асқар Шалкібеков жаттықтыратын Қазақстан құрамасы турнирді В тобында бастап, Иран, Шри-Ланка және Бангладеш командаларымен кездеседі.
А тобында Непал, Үндістан, Қырғызстан және Мальдив құрамалары өнер көрсетеді.
Топтық кезеңде командалар бір айналым жүйесі бойынша өзара ойнайды. Нәтижесінде әр топтан үздік шыққан екі құрама жартылай финалға жолдама алады.
2026 жылғы Орталық Азия чемпионатының топтық кезеңіндегі Қазақстан әйелдер құрамасының матч кестесі:
- 23 мамыр: Қазақстан – Шри-Ланка;
- 24 мамыр: Қазақстан – Бангладеш;
- 25 мамыр: Қазақстан – Иран.
Айта кетейік, CAVA Women's Volleyball Championship турнирінің 2024 және 2025 жылдардағы алдыңғы екі маусымы Қазақстан құрамасының қатысуынсыз өткен болатын.
Еске сала кетейік, бұған дейін алдағы турнирге қатысатын Қазақстан әйелдер ұлттық құрамасының құрамы белгілі болған еді.
Сондай-ақ Қазақстан волейбол құрамасының жаңа бас бапкерінің есімі жарияланды.
