Қазақстанның отырып ойнайтын волейболдан ұлттық құрамасы Азия Пара ойындарының жартылай финалына шықты

Қазақстанның отырып ойнайтын волейболдан ұлттық құрамасы V жазғы Азия Пара ойындарының жартылай финалына топта екінші орынмен шығып, жүлделер үшін күресті жалғастыруда

Бүгін біздің команда әлемдегі ең мықты құрамалардың бірі — Иран құрамасымен кездесіп, 0:3 (19:25, 13:25, 12:25) есебімен жеңіліс тапты.

Иранның отырып ойнайтын волейболдан ұлттық құрамасы — қазіргі әлем чемпионы, 2024 жылғы Паралимпиада ойындарының және 2022 жылғы Азия Пара ойындарының чемпионы.

Еске сала кетейік, топтық кезеңдегі алғашқы матчта Қазақстан құрамасы Таиландты 3:0 (25:16, 25:22, 25:18) есебімен жеңген болатын.

Осылайша, Қазақстан құрамасы топта екінші орын алып, Азия Пара ойындарының жартылай финалына шықты. Ертең, 22 қазанда, команда финалға жолдама алу үшін Ирак құрамасымен кездеседі.