Ресей мен Қазақстан волейбол федерациялары серіктес болды

15 мамыр күні Мәскеуде Ресей волейбол федерациясы мен Қазақстан волейбол федерациясы арасында ынтымақтастық туралы меморандумға қол қойылды. Ресей волейбол федерациясы тарапынан келісімге бас хатшы Александр Яременко, ал Қазақстан волейбол федерациясы тарапынан бірінші вице-президент Арман Кабесов қол қойды.

«Жақында Ресей волейбол федерациясы делегациясының Қазақстанға жасаған сапары аясында әріптестерімізбен жұмыс қарым-қатынастарын дамыту перспективаларын талқыладық. Атап айтқанда, бірлескен жарыстар өткізу, қазақстандық клубтардың Ресей волейбол Суперлигасының чемпионатына қатысу мүмкіндігі, балалар мен жасөспірімдер волейболын дамыту мәселелері қарастырылды, – деп атап өтті Александр Яременко. – Бүгін қол қойылған меморандум бұған дейін басталған жұмыстың заңды жалғасы болып табылады және екі елде волейболды насихаттау мен дамытуға жаңа мүмкіндіктер ашады».

Құжатқа қол қою рәсімі аясында тараптар екіжақты ынтымақтастықты нығайту және кеңейту мәселелерін талқылады. Болашақта екі елдің мамандары бірлескен форумдарға, конференцияларға, тренингтер мен шеберлік сабақтарына қатысады деп күтілуде. Сонымен қатар, Ресей мен Қазақстан ұлттық құрамаларының қатысуымен оқу-жаттығу жиындары мен жолдастық турнирлер ұйымдастырылып, төрешілер матчтарда қызмет атқару үшін алмасу бағдарламаларына қатысады. Сондай-ақ, келешекте Ресей чемпионаты матчтарының Қазақстан аумағында көрсетілімі жоспарланып отыр.