Қазақстан құрамасының жаңа бас бапкері белгілі болды

Қазақстан ерлер волейбол құрамасының бас бапкері ресми түрде тағайындалды.

Ұлттық құраманы бұған дейін "Атырау" (2017/18) және "Ақтөбе" (2020/21/22) клубтарында жұмыс істеген Сергий Трикоз басқарады. Сонымен қатар, ол Қазақстанның U-21 жастар құрамасын жаттықтырған.

«Тәжірибелі маманның білімі мен кәсібилігі ұлттық құраманың дамуына үлкен әсер етеді деп сенеміз. Жаңа қызметіңізге сәттілік тілейміз!» – деп хабарлады Қазақстан волейбол федерациясының баспасөз қызметі.

Сергей Трикоз бұл қызметте Виктор Козиктің орнын басты.