Тарихи қола!

Қазақстан Республикасының ұлттық құрамасы тарихта алғаш рет волейболды отырып ойнаудан әлем чемпионатының қола жүлдесін жеңіп алды.

10–17 шілде аралығында Қытайдың Ханчжоу қаласында өткен әлем чемпионатында Қазақстан құрамасы жоғары деңгейдегі ойын көрсетіп, әлемдік доданың қола жүлдегері атанды.

Жүлдеге жету жолында ұлттық құрама жеті кездесу өткізді. Топтық кезеңде Хорватия мен Ирак құрамаларын жеңіп, Бразилияға есе жіберді. Кейін плей-офф кезеңінде Польша мен Руанда құрамаларын сенімді түрде жеңіп, жартылай финалға шықты. Финал жолдамасы үшін өткен кездесуде Иран құрамасына жол бергенімен, үшінші орын үшін өткен матчта Бразилияны 3:2 (21:25, 25:23, 25:22, 23:25, 15:10) есебімен жеңіп, тарихи жеңіске қол жеткізді.

Бұл нәтиже – Қазақстан құрамасының әлем чемпионаттарындағы ең үздік жетістігі. Команда жоғары дайындық деңгейін, мінезін және жеңіске деген жігерін дәлелдеп, әлемнің ең үздік командаларының қатарындағы орнын тағы бір мәрте растады.